Жастар театры Гришковецтен бастады

Таяуда Атырауда қалалық ішкі саясат бөлімінің қолдауымен жастар театры құрылды.

Труппада 17-25 жас аралығындағы 20 адам бар. Олардың бәрі де әуесқой актерлар. Ал солардың басын біріктіруші – кәсіби театр режиссері Жанат ТЕЛЬТАЕВ.

Тұңғыш қойылым да дайын. 26 маусым күні Құрманғазы атындағы мәдениет сарайында белгілі ресейлік драматург Евгений ГРИШКОВЕЦТЫҢ «Зима» атты пьесасы бойынша сахналанған «Қар жамылған гүлдер» трагикомедиялық спектакльдің (атыраулық ақын Артур ЯХУДАНЫҢ аудармасы) премьерасы өтеді. Басталуы сағат 19.00-де. Кіру тегін.

Айнұр САПАРОВА