Полицейдің өлімі: Қылмыстық іс қозғалды

28 сәуірде облыстық ІІД баспасөз қызметінің жетекшісі Гүлнәзира МҰХТАРОВА хабарлағандай, полиция Исатай АІІБ бастығы Алтынбек ҚҰБАЙДУЛЛИННІҢ мүрдесінің табылуына қатысты ҚР ҚК-нің 102-бабы («Өзiн-өзi өлтiруге дейiн жеткiзу») бойынша қылмыстық іс қозғады. Қылмыстық істі тергеу үшін арнайы есеп жүргізу прокуратурасына жіберілді.     

Сондай-ақ, Құбайдуллиндер отбасының адвокаты Мақсот ТӨЛЕНБАЕВ «АЖ»-ға облыстық прокуратураның осы факті бойынша ҚР ҚК-нің 346-бабы («Заңсыз ұстау») бойынша қылмыстық іс қозғағанын хабарлады. Прокуратурадан хабарлағандай, қылмыстық іс қаржы полициясының нақты лауазымды тұлғаларға қатысты емес, Құбайдуллинді ұстау мен оның мүрдесінің табылу фактісі бойынша қозғалған.  

Мұрат СҰЛТАНҒАЛИЕВ