Атырау, 5 қазан 08:31
 ашықВ Атырау +22
$ 476.59
€ 500.23
₽ 4.79

Барлық дәйексөздер

4 қазан

ҚР Парламенті Мәжілісінің Экология мәселелері комитетінің төрағасы Еділ ЖАҢБЫРШИН: 

- Егер өңірдегі мұнай-газ компаниялары қоршаған ортаны бүлдіруді тоқтатпаса, келісілген міндеттемені орындамайтын болса, онда солармен жасалған келісімшарт бұзылады. 

(Мәжілістің Экология мәселелері және табиғат пайдалану комитетінің Атырауда өткен көшпелі отырысында айтылды)

27 қыркүйек

Қазақстан Республикасы Парламент Мәжілісінің депутаты Марат БАШИМОВ:

- Мамандардың пайымдауынша, тек ер азаматтар емес, әйел адамдар да зорлық-зомбылық әрекетке итермелейді. Бұл ретте нәтиже беріп, көп елдер қолданатын Германия және басқа да елдердің тәжірибесі маңызды. Арандату институты адам құқығын қорғау туралы халықаралық заңнамада бар, бірақ біздің заңнамада бұл біржақты, тек әйел адамды қорғауға бағытталған. 

(Заң шығару жөніндегі комитеттің отбасылық зорлық-зомбылық туралы мәселеге қатысты кеңесінде айтылды)

20 қыркүйек

- Үйде не суы,не газы жүрмейді. Есіктің жақтаулары сөгіліп, құлап жатыр. Біреуін дұрыстаймыз деп, екіншісін жөндеуге кірісіп кетеміз. Арзан әрі сапасыз материалдарға байланысты бұзылып жатыр.

(Доссор ауылының тұрғындарының «Нұрлы жер» мемлекеттік бағдарламасы бойынша салынған көпқабатты үй туралы айтқандары)

13 қыркүйек

ҚР мәдениет және ақпарат министрі Аида БАЛАЕВА:

- Мемлекеттік саясаттың барлық мәселелері діни пәтуалармен емес, азаматтық нормалармен реттеледі. Құқықтық-нормативті актілер әрбір оқушыға мектеп қабырғасында арнайы бекітілген форма киюді міндеттейді. Ал Конституциямыз бойынша мектептің міндеті – ел азаматтарына сапалы білім беруге кепілдік беру және оны қамтамасыз ету. Сондықтан да, мектепте бала ең алдымен сапалы білім алуы керек. Содан кейін барып, ержете келе діни наным-сенімін, қандай киім үлгісін киетінін өзі шешеді деп ойлаймын.

(11 қыркүйекте өзінің Facebook-тегі жеке парақшасында жазылды) 

6 қыркүйек

ҚР Президенті Қасым-Жомарт ТОҚАЕВ:

«Атом электр станциясын салу қажет пе, жоқ па деген сауалға қатысты түрлі пікір бар екенін білесіздер. Қазақстан – әлемдегі ең ірі уран өндіруші мемлекет. Ендеше өз жерімізде атом станциясын салуға әбден қақымыз бар. Кейбір сарапшылар шағын ядролық станциялар салу керек деген пікір айтады. Алайда көптеген азамат пен бірқатар сарапшы ядролық станцияның қауіпсіздігіне күмәнмен қарайды. Сондықтан оны жалпыұлттық референдум арқылы шешкен жөн деп санаймын». 

(2023 жылдың 1 қыркүйегінде Қазақстан халқына Жолдауында айтылды)

30 тамыз

Еңбек және халықты әлеуметтік қорғау министрі Тамара ДҮЙСЕНОВА:

...Менің ойымша, министрліктің шешімі дұрыс болды, бірақ асығыс қабылданды. Осыған байланысты келе жатқан оқу жылын 34 апталық оқу жылына қайтару дұрыс деп есептеймін

стаздардың тамыз кеңесінде айтылды)

23 тамыз

ҚР Қаржы министрі Ерұлан ЖАМАУБАЕВ:

- Қиын, бірақ айта алмаймын, пікір бере алмаймын. Тағы айтамын, егер мүмкіндік болса, біз шығынның өсуін қолдауға дайынбыз. Бірақ жалақы мәселесі ғана емес, біз қазір инфляция деңгейімен күресуіміз керек.

(Журналистердің «85 мың теңге жалақыға өмір сүру қаншалықты мүмкін?» деген сұрағына берген жауабында айтылды)

16 тамыз

Тәуелсіз қаржы сарапшысы Нұрғали НҰРМАХАМБЕТОВ:

- Азық-түлік арзандап, өзіміздің отандық тауар өндірушілерді ығыстырып жібереді. Өнімнің барлығы ресейлік өнім - олар өте қымбат, соның салдарынан дүкендер де бағаны көтеріп жіберді. Ал отандық өндіруші не істеді? Ол да бағаны көтерді. Пайдасы еселенді. Ал қазір баға төмендегенде, ол "енді мені қорғаңдар" дейді. Олай болмайды ғой. 

(Ресей рублінің табан астында құлдырауына қатысты айтылды) 

9 тамыз

Атырау тұрғыны Динара ЕРЖАНОВА:

- Әкімдіктегілер бізге «құрылыс салуға рұқсаты бар ма?» деп сұрамадыңдар дейді. Қаланың ортасынан 4 бірдей тұрғын үй кешені салынып жатқанда, олар көрмеді ме? Бұған билік тарапынан бақылау болмайтын ба еді? ГАСК қайда қарады?

(Облыстық сот ғимаратының қасында өткен алданған үлескерлердің митингісінде айтылды)

2 тамыз

Атырау облысы полиция департаменті бастығының бірінші орынбасары Абдіғани СЕЙДУАЛИЕВ:

- Қала сыртындағы жолдарда орын алатын көлік апатының 90 пайызы жүргізушінің кінәсінен болып отыр. Жолда көбі асығыс, жүйткіп жүреді. Сөйтіп өз ажалына ғана емес, біреудің ажалына да себеп болады.

(«АЖ» сұхбатында айтылған)

26 шілде

Қазақстан электр энергетикасының ардагері Сүйіншілік ТИЕСОВ:

Батыс Қазақстан облыстары бірінші кезекте Ресеймен жоғары кернеулі желімен жалғанған. Тәуелсіздік алғанымызға 30 жыл өтсе де, бұл үлкен өңір ресейліктермен байланысып, бөлек жұмыс жасап тұр. Әртүрлі, әсіресе апатты жағдайда Батыс Қазақстанның энергетика жүйесі көрші мемлекетке тәуелді. Бұл дұрыс па? Әрине, жоқ. 

(«Ақ Жайыққа» берген сұхбатында айтылды

19 шілде

"ҚазМұнайГаз" ҰК" АҚ басқарма төрағасының орынбасары Дмитрий МАКЕЕВ:

- Бұл бірінші кезекте логистикаға байланысты. Өйткені, мысалы, батыстан оңтүстік өңірлерге жанар-жағармай жеткізу екі аптаға созылуы мүмкін. Яғни, өнім бар, бірақ ол қазір жолда келе жатыр. Біздің еліміз өте үлкен, арақашықтық та ұзақ, ал логистика біраз уақыт алады. 

(Қазақстандағы жанар-жағармай құю бекеттерінде АИ-95 маркалы бензинінің жетпей жатқаны туралы сұраққа жауап бергенде айтылды)  

12 шілде

Energy Monitor қоғамдық қорының директоры Нұрлан ЖҰМАҒҰЛОВ:

- Біздің мұнай өңдеу зауыттары Евро-4 отынын шығарып жатқанда шенеуніктердің Қазақстанда Евро-5-тен санаты төмен көліктерді рәсімдеуге тыйым салу туралы бастамасы қисынға келмейтін секілді. Бір күндері мұнай өңдеу зауыттарымыз Евро-5 өндіруге көшеді (оған қосымша жаңғырту қажет болады), сол кезде бүкіл әлем Евро-6 тұтынып, болмаса электромобильмен жүретін болар. 

(Facebook-тегі жеке парақшасында жазылды)

5 шілде

ҚР Энергетика министрі Алмасадам СӘТҚАЛИЕВ:

– Расында да, біз жағдайдың күрделі екенін білдік. Жылдар бойы жеткілікті қаржыландырылмағандықтан энергетика кәсіпорнында апатты жағдай орын алды: жабдықтар тозған, күрделі жөндеу жұмыстары толық көлемде жүргізілмеді, жалақының төмендігінен кадр мәселесі туындады. Осының бәрі ағымдағы апатқа, №1 блоктың тоқтауына әкелді.

(4 шілдеде үкімет отырысының кулуарында айтылды)

28 маусым

«АМӨЗ» ЖШС Бас директоры Мұрат ДОСМҰРАТОВ:

- Зауыттың барлық құрылғысын басқа жерге көшіру дейсіз бе? Бұл мүмкін емес!

(Зауытты қала сыртына көшіру туралы сұраққа жауап ретінде айтылды)

21 маусым

ҚР Президенді Қасым-Жомарт ТОҚАЕВ:

- Жақын арада Украинадағы қарулы қақтығыс тоқтайды деп үміттенеміз. Содан кейін әлемнің осы бөлігінде берік бейбіт өмір орнайтыны туралы сөз қозғай аламыз. Қазақстанға келетін болсақ, біз осы мақсатқа қол жеткізуге өз үлесімізді қосуға дайынбыз. Сонымен қатар біз – Ресеймен стратегиялық серіктеспіз және бірнеше ұйымның мүшесі екенімізді атап өткен жөн. Сондықтан біздің мақсатымыз – екіжақты және халықаралық ұйымдар аясында өзара ынтымақтастығымызды нығайту үшін Ресеймен тығыз байланысты сақтау.

(Германия Президентінің қатысуымен 20 маусымда өткен баспасөз конференциясында айтылды.)

14 маусым

Экология және табиғи ресурстар министрі Зульфия СҮЛЕЙМЕНОВА:

– Болған оқиғадан сабақ алуымыз керек. Әрқайсымыз өзіміз үшін белгілі бір қорытынды жасап, болашақта мұндай қайғылы оқиға қайталанбас үшін барлық қажетті шараларды қолға алуға міндеттіміз.

(Қостанай облысындағы 15 адамның өмірін қиған орман өртінен кейін айтылды)

7 маусым

Атырау облыстық Мемлекеттік еңбек инспекциясы басқармасының бөлім басшысы Кемел ИМАНҒАЛИЕВ:

– Жұмысқа тек жергілікті тұрғындарды алу талабы кемсітушілік екенін халық түсінуі керек. Өйткені, жерлестеріміз Қазақстанның түкпір-түкпірінде, тіпті басқа елдерде де жұмыс істейді, ал ол жердегі тұрғындар жерлестеріміздің тек Атырау облысында ғана жұмыс істеуін талап етпейді ғой.

(«Ақ Жайық» басылымына берген сұхбатында айтылды)

31 мамыр

ҚР Президенті Қасым-Жомарт ТОҚАЕВ:

- Мен оның әзіліне лайықты баға бердім. Менің ойымша, бұған ешбір қажеттілік жоқ. Өйткені басқа интеграциялық бірлестіктер, соның ішінде, ең алдымен, Еуразиялық экономикалық одақ бар. 

(Беларусь басшысы А.Лукашенконың одақтас мемлекетке қосылып, болашақта ядролық қаруға ортақ болуға "шақырған" ұсынысына жауап бергенде айтылды).

24 мамыр

ҚР денсаулық сақтау вице-министрі Тимур СҰЛТАНҒАЗИЕВ:

- Медициналық көмекті алу үшін уақыт қажет, әсіресе жоспарлы көмек алуға күтуге туралы келетінін түсіну керек. Біздің елімізде ол ұзаққа созылмайды. Мәселен, Ұлыбританияда МРТ мен КТ-ға түсу үшін жарты жыл күту қажет. Канадада жамбас буынын ауыстыруға ота жасату үшін екі жыл күтеді. Әрине, біз бұл бағытта оңтайландыру жұмыстарын жүргізіп жатырмыз. Біздің ӘМСҚ-да науқас 10 күн ішінде қызметті алу керек деген белгілі меже бар. Талдап көргенімізде, адамдардың 90 пайызы осы уақыт ішінде бүкіл қажетті көмекті алатыны анықталды. 

(19 мамырда МӘМС жүйесінің тиімділігін арттыру тақырыбын талқылағанда айтылды)  

17 мамыр

Парламент Мәжілісінің депутаты Асхат РАХЫМЖАНОВ:

- ...Жалпы, Қазақстан бойынша елдің әрбір алтыншы азаматы МӘМС жүйесінде тіркелмеген. Демек, жүйе жұмыс істемейді және сапалы медициналық қызмет алу үшін халықтың сұраныстарына тиісті дәрежеде жауап бермейді деген тұжырым жасадық. 

(Мәжілістің пленарлық отырысында айтылды)

10 мамыр

Қазақстан Республикасының президенті Қасым-Жомарт ТОҚАЕВ:

- Мемлекеттер арасындағы кез келген мәселені бейбіт жолмен шешу керек деп санаймыз. Дегенмен қамсыз отыруға болмайды. Барлық жағдайға сақадай сай болуымыз айрықша маңызды. 

(9 мамырда марапат тапсыру рәсімінде айтылды)


3 мамыр

«Ауыл» фракциясының жетекшісі Анас БАҚҚОЖАЕВ:

Қазір өзін блогермін деп жүргендердің дені – ақпараттың рас-өтірігін тексермей, оңай жолмен баю мақсатында кез келген адамға жала жабудан тайынбайтын, бопсалап ақша табатын, атаққұмар, елдің берекесін бұзып, қауіпсіздігіне қатер төндіретін сауатсыз адамдар.

... Бастысы шу, бастысы сөз болса, болды. Олар кім көрінгеннің алдына шығып, аузына келгенін айтады. Сөз бостандығы деген осы ма?

(3 мамырдағы парламент мәжілісінің отырысында айтылды) 

26 сәуір

ҚР Президенті Қасым-Жомарт ТОҚАЕВ:

- РISA халықаралық зерттеуіне қарасақ, біздің ел соңғы он жылда орта білім сапасы бойынша 80 мемлекеттің ішінде 50-60-орыннан жоғары көтерілмеген екен. Бұл жағдайымыз нашар дегенді білдіреді. Негізгі кемшіліктің бірі - ол балалардың білімін біржақты бағалау. Біздің елде білімнің сапасына емес, жоғары көрсеткіштерге көп мән беріледі. ҰБТ мен мектепте алған бағалардың арасында айырмашылық бар. 

(Елдің әлеуметтік-экономикалық дамуына арналған кеңесте айтылды)

19 сәуір

ҚР президенті Қасым-Жомарт ТОҚАЕВ:

- Әкімдер өзі басқарып отырған қаласы мен елді мекенін жаяу жүріп аралауы керек. 

(19 сәуірдегі Ақ ордада өткен кеңесте айтылды)

12 сәуір

«Атырау МӨЗ» ЖШС-нің Бас директоры Мұрат ДОСМҰРАТОВ:

- Басқа мекемелерге де назар аударыңыздар, олардың 100 шақтысы бар осы жерде, ауаны ластап отырғандарды іздеп табыңыздар. 

(10 сәуірде өткен брифингте айтылды)

5 сәуір

Облыстық мәслихат депутаты Сырымбек СӘРСЕНБАЕВ:

- Іс шаралар жоспарына Атырау облысын да экологиялық апат аймағына жатқызу туралы Астанаға жеткізу мәселесін енгізуді ұсынамын.

(Атыраудағы экологиялық жағдай бойынша кеңес өткенде айтылды)

29 наурыз

Қазақстан Республикасының Бас Прокуратурасы:

«Сайлау күні заң бұзушылықтар болды, бірақ бұл жекелеген фактілер сайлау нәтижелеріне әсер етпеді».

(Бұл туралы 2023 жылғы Парламент сайлауы туралы есептерде айтылған)

21 наурыз

Сайлау науқанының сарапшысы Дмитрий ШАШКИНИ:

- АҚШ-та жақсы тәжірибе бар. Маған штаттан сайланған конгрессмендердің ешқайсысы Вашингтонға көшпейтіні қатты ұнайды. Олар сессияға өз қаражатымен ұшып барады, қонақүйде тұрады, бірақ уақыттың басым бөлігін былай айтқанда, «өз жерінде» өткізеді.

(«АЖ»-ға берген сұхбатында айтылды)  


15 наурыз

Атырау қаласының әкімі Мейірім ҚАЛАУИ:

- Үстелді жұдырықтап, бағаларға «тоқта» деп бұйрық беру мүмкін емес.

(«АЖ»-ға берген сұхбатында айтылды)

7 наурыз

ҚР СІМ ресми өкілі Айбек СМАДИЯРОВ:

- Осыған дейін айтқанымыздай, бізде барлық келісім шартты алдын-ала зерделейтін мамандар мен сарапшылар жұмыс жасайды. Қазақстан өз жерінде Ресейге санкцияны айналып өтетін мүмкіндікті бермейді. Осы күнге дейін бір де бір қазақстандық компания екінші рет санкцияға ілікпеген. 

(Астанада өткен брифингте айтылды)

1 наурыз

Экономист Алмас Чукин:

– Қазір 2,6 триллион теңгеге 840 мың орындық 400 мектептің ауқымды құрылыс жобасын жариялады. Сөз жоқ, мектептер керек-ақ. Бірақ оларды мемлекет салу керек пе? Айтпақшы, егер салынса, қай ақшаға және осы мектептің бәріне мұғалімдерді қайдан аламыз?

(Фейсбуктегі жеке парақшасында айтылды)

22 ақпан

Ресейдің экономика сарапшысы, мұнай және газ нарығының маманы Михаил КРУТИХИН:

- "Газпромның" мүддесі қандай? Оның мүддесі - Еуропаға сатпайтын газдың ең болмағанда бір бөлігін орналастыру. Ол Еуропадан шығып кетті, енді ол газды жіберетін жері жоқ. Ал екінші мүдде – шындыққа сәйкес келмесе де Ресей президентінің бізде үш елдің газ одағы бар деп ауыз толтырып айтуы, әрине, себебі бұл кәдімгі коммерциялық мәміле.

 ("The Insider"-ге берген сұхбатынан)

15 ақпан

«Атыраугидрогеология» ЖШС ғылыми кеңесшісі Едіге САБУРОВ:

- Біз жер асты суларын, нөсер суларын және кәріздік ағын суларды бұруды бастасақ, сәл жаңбыр жауса, қаланы су басатын бәледен құтыламыз.

(«АЖ»-ға берген сұхбатында айтылды)

8 ақпан

Қазақстан Премьер-министрі Әлихан СМАЙЫЛОВ:

- Әкімдіктерге бағаны ұстау үшін қажетті тетіктердің барлығы берілді. Қаржы да бөлінді. Бірақ баға бәрібір өсіп жатыр. Әкімдіктердің тиімді жұмысын көріп отырғанымыз жоқ.

(7 ақпандағы Үкіметтің кеңейтілген отырысында айтылды) 



1234...16
12...16