Атырау, 15 қыркүйек 13:16
Кешке ашық+20, түнде +17
ҚР Ұлттық банкінің валюта бағамы: $ 387.15  € 426.95  P 5.95

Путинді президентікке кандидат ретінде ресми түрде ұсынды

27 желтоқсан 2017 09:40


Ресей президенті Владимир Путинді 2018 жылы өтетін президент сайлауына ресми түрде кандидат ретінде ұсынды. Мәскеудің ВДНХ сарайында өткен бастамашыл топ жиынына 600-ге жуық адам қатысты.

Қатысушылар арасында шенеуніктерден басқа балет әртісі Николай Цискаридзе, режиссер Владимир Хотиненко, актерлер Михаил Боярский мен Владимир Машков, дизайнер Валентин Юдашкин, пианиношы Денис Мацуев, совет хоккейшісі Владислав Третьяк және аралас жекпе-жектен әлем чемпионы Федор Емельяненко болды. Жиын басталар алдында қатысушыларға Оливер Стоунның "Путин" және Алексей Пимановтың "Қырым" фильмдерін көрсетті.

Путиннің өзі бұл шараға қатыспады. Мемлекеттік ақпарат агенттіктерінің хабарлауынша, Путинді президенттікке ұсынып жатқанда, ол үкімет мүшелерімен кездесіп, "жылды қорытындылап" жатқан. Оның алдында президент Кремль шыршасына шақырылған балалармен кездескен. Мемлекет басшысы балаларға Ресейді басқару өзіне қиын емес екенін айтқан. "Өйткені сендер сияқты балалар бар" деген Путин.

Путиннің жасы қазір 65-те. Ол Ресейді 1999 жылдың аяғынан бері басқарып келеді. Ол төрт жыл үкімет басшысы, 13 жыл ел президенті ретінде билікте отыр.

Дереккөз: azattyq.org

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

999 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3