Бишімбаев Нүкеновадан Райымбек Баталовпен қатынасы туралы қайта-қайта сұраған

Елорда сотында экс-министр Қуандық Бишімбаевтың телефоны тексеріліп жатыр. Сотталушы бұған дейін сотқа телефонының құпия кодын айтудан бас тартып келген. Дегенмен, оның қорғаушылары құпия кодты прокурорларға емес, судья Айжан Құлбаеваға айтты, деп хабарлайды Azattyq Ruhy. 

2023 жылғы 9 қарашада түсірілген видеоны судья «Нүкенова жалаңаш, үстінде тек қара күрте бар, еденда еңбектеп, диванның қасынан бірдеңе іздеп жүр» деп сипаттады.

Айжан Құлбаева видеоның дауысын шығарды. Онда Бишімбаев Нүкенованы қатты балағаттаған. Райымбек Баталовпен қатынасын анайы түрде қайта-қайта сұраған және мойындауын талап еткен.

Бишімбаев «мұның бәрі монтаж, менің телефонымды бұзып, біреу енгізіп қойған. Бұл видео 9 қарашада түсірілуі мүмкін емес» дейді. Сот 10 минуттық үзіліске кетті. 

Естеріңізге сала кетейік, Райымбек Баталов Қазақстандағы ең бай бизнесмендердің бірі. 

Айта кетейік, бүгін сотқа Ресей және ТМД елдеріне танымал журналист Ксения Собчак қатысып жатыр.