Ресми Ереван Қасым-Жомарт Тоқаевты салтанатпен қарсы алды

Арменияның мемлекеттік резиденциясында Ереванға ресми сапармен келген Қазақстан Президенті Қасым-Жомарт Тоқаевты салтанатты түрде қарсы алу рәсімі өтті, деп хабарлайды Azattyq Ruhy Ақордаға сілтеме жасай отырып.

«Құрмет қарауылының бастығы екі ел басшыларына рапорт берді. Қазақстан мен Арменияның әнұрандары шырқалғаннан кейін Қасым-Жомарт Тоқаев пен Никол Пашинян бір-біріне ресми делегация мүшелерін таныстырды», - деп хабарлайды ресми Ақорда.

Дереккөзге сүйенсек, салтанатты рәсімнен кейін Тоқаев пен Никол Пашинян келіссөздерді өтетін залға барған.

Естеріңізге сала кетейік, бұған дейін хабарланғандай, Тоқаев Ереван сапарынан соң елімізде су басып жатқан өңірлердің біріне барады.