Апта ішінде Атырау жүргізушілерінен 8 миллион теңге айыппұл өндірілді

Атырау қаласының аумағында «Қорғау-Қауіпті жүргізуші» ақпараттық жүйесі мен «Сергек» аппараттық-бағдарламалық кешенінің көмегімен жыл басынан бері 6510 әкімшілік құқық бұзушылық фактісі анықталды, деп хабарлайды қалалық полиция басқармасы.

Барлығы 2580 борышкер анықталып, айыппұлдары өндіріліп, 792 автокөлік арнайы тұраққа жіберілді.

Бір апта ішінде жүргізушілері айыппұл төлемеген 342 көлік анықталды. Қала бюджеті 8 миллионнан астам теңгеге толықты. Бұл ретте Атырау полицейлері жол жүру ережесін қатаң сақтап, айыппұлдарды уақытылы төлеу керектігін ескертеді.

Дайындаған Жомарт ӘМІРХАНОВ