Спорт жаңалықтары

Нью-Кларк қаласында (Филиппин) жастар құрамалары арасында су добынан Азия чемпионаты өтті.

Атыраулық су добы шеберлері Егор Белоусов пен Әли Дәурен республикалық құрама сапында жақсы өнер көрсетіп, қола жүлдені жеңіп алды. Егор мен Әлимен бірге олардың жаттықтырушысы Ернұр Қойлиев та бар.

***

Грекияның Патрас қаласында муай-тайдан әлем чемпионаты өтеді деп жоспарлануда.

Алматыда өткен ересектер арасындағы ҚР іріктеу чемпионатында «Қайсар» спорт клубының шәкірттері төрт алтын, төрт қола медаль жеңіп алды.

Бүгінде Атырау облысындағы нәзік жандылар арасынан 4-рет ел чемпионы атанған Аида Хайруллина туралы айтып өту керек. Оның жүлделерінің тізімінде екі ҚР Кубогы мен СҚО Кубогы бар. Сонымен қатар, бүгінде муай-тайдан жартылай кәсіпқой жекпе-жектердің 2 дүркін жеңімпазы және Азия чемпионатының қола жүлдегері.

Файтинг бағдарламасы бойынша қоян-қолтық ұрыстан жаттыға бастаған соңғы екі жыл спортшы үшін сәтті болды. 2022 жылғы муай-тайдағыдай, ол асықпай, қоян-қолтық ұрыста 1-ші орынды жеңіп алды. Оның қоржынында – ҚР чемпионатының, ҚР Кубогы мен Әлем кубогының алтыны бар. Ұлттық құраманың басқа да чемпион атанған мүшелері: Өтеғали Нұрдәулет, Шәміл Құрбанов және Әбіл Ғалиев.

Жалпы есепте Алматы облысының командасы бірінші орынды иеленді. Атырау облысы екінші орында, Солтүстік Қазақстан облысы үшінші орында.

***

1-4 наурызда Қарағанды қаласында жекпе-жек, неваза және дуо-жүйе бағдарламалары бойынша 14-21 жасқа дейінгі ұлдар, жастар және қыздар арасында джиу-джитсудан ҚР чемпионаты өтті.

Турнирге барлық облыс пен қаладан өкілдер – барлығы 1600-ден астам спортшы қатысты. Атырау облысының құрамасы 37 алтын, 18 күміс және 29 қола медаль жеңіп алып, жүлде саны бойынша бірінші болды. Чемпиондар Азия чемпионатына қатысу құқығына ие болды.

Мұрат СҰЛТАНҒАЛИЕВ