​Қазақстанда мұнайды кім өндіреді

2023 жылы Қазақстанда 89,9 млн тонна мұнай өндірілді. Энергетика министрлігі LS басылымына кен орындарын қай елдер игеріп жатқанын айтты.

Ведомствоның мәліметі бойынша, өнімнің 33,1 пайызы Қазақстанға тиесілі. Екінші орында 30,9% көрсеткішпен АҚШ тұр. Одан кейін Еуропа елдері (18,4%), Қытай (11,4%), Ресей (3,5%) және т.б.

Қара алтынның ең көп мөлшері Атырау облысында өндірілді – 58,6%. Маңғыстау облысында – 18,5%, Батыс Қазақстан облысында – 13,65% мұнай өндірілді. Одан кейін Ақтөбе облысы – 5,1%, Қызылорда облысы – 4,1%, Жамбыл және Шығыс Қазақстан облыстары – 0,05% өндірді.