АМӨЗ жөндеу жұмысын аяқтады

Атырау мұнай өңдеу зауыты жөндеу жұмыстарын аяқтады, деп хабарлайды Энергетика министрлігі. 

"Атырау мұнай өңдеу зауытында 17 қазан – 2 қараша аралығында жөндеу жұмыстары аяқталды.Жалпы зауыттың шаруашылық, алғашқы өңдеу және мұнайды қайта өңдеу нысандарының көп бөлігі, соның ішінде терең өңдеу кешені қалыпты пайдалану режиміне енгізілді.

Қазіргі уақытта Атырау МӨЗ 60% - ға жүктелді, объектілерді кезең-кезеңімен жөндеу және іске қосу жалғасуда.

Шымкент және Павлодар МӨЗ 95% - ға жүктелді және қалыпты пайдалану режимінде жұмыс істеуде.

Еліміздегі мұнай өнімдерінің қоры жеткілікті және уақтылы толтырылуда", делінген хабарламада.