Бейнеу – Доссор трассасындағы жол апатынан бір адам қаза болды

«Бейнеу-Құлсары-Доссор» трассасында Ақтаудан Атырауға келе жатқан 58 жастағы «Toyota Land Сruiser» жүргізушісі рөлге ие бола алмай қалып, көлік сайға түсіп кеткен. Оқиға салдарынан 59 жастағы жолаушы оқиға орнында көз жұмды.

Полицейлердің алдын ала болжамы бойынша, жүргізуші рөлде ұйықтап кеткен. ҚР ҚК-нің 345-бабының  3-бөлігі бойынша («Жүргізушінің адам өліміне әкеп соққан жол жүру немесе көлік құралдарын пайдалану ережелерін бұзуы») сотқа дейінгі тергеу амалдары жүргізілуде.

Ләззат ҚАРАЖАНОВА

Полиция департаменті жолдаған сурет