Суық далада өткен түн: жан да, мал да дін аман

17 ақпанда сағат 07:55-те Ақтөбе облысы Байғанин ауданы Миялы ауылынан Атырау облысының Құлсары қаласына қарай  5 жасар баламен бірге бір отбасының жолға шығып, кері оралмағандығы жөнінде хабарлама түсті.

Жоғалғандар со лкүні түске таман табылды. Анықталғандай, Құлсары қаласынан шамамен 120 шақырым жердегі «Намазтақыр» учаскесі маңында көліктерінде бензин таусылып қалып, далада тұрып қалған.

1976 ж.т. және 1979 ж.т. ер азаматтар, 1979 ж.т. әйел адам және бүлдіршін дәрігерлік көмекті қажет етпеді. Көлік тіркемесіндегі сиыр мен екі бұзаудың да жағдайы жақсы.

Іздестіру-құтқару жұмыстарына 5 қызметкер мен 1 бірлік техника жұмылдырылды.

Атырау облысы ТЖД құтқарушылары қолайсыз ауа-райында алыс сапарға шығудың қауіпсіз еместігін және бензин багын толтырып шығуды ескертеді.

Ләззат ҚАРАЖАНОВА

Атырау облысы ТЖД жолдаған суреттер