Атырауда мектеп директорынан туберкулез анықталды

Бұл туралы облыстық санитариялық-эпидемиологиялық қадағалау басқармасының 18 қаңтарда берген анықтамасы негізінде қалалық білім бөлімі хабарлайды. Бүгінде директор денсаулығына байланысты жұмыстан шеттетілді.

- Мектеп басшысымен араласқан қызметкерлер медициналық тексеруден өтіп, мектепте тиісті санитариялық шаралар жүргізілуде. Толық ақпарат 19 қаңтарда сағат 16:00-де Өңірлік коммуникациялар қызметінің алаңында өтетін шұғыл брифингте хабарланады, - деді облыс әкімдігінің баспасөз қызметі.

Айнұр САПАРОВА