Қазақстандық диджей Иманбек Зейкенов (Imanbek) Billboard Awards жүлдесінің иегері болды. Бұл туралы музыкант Instagram-парақшасында жариялады, - деп хабарлайды Tengrinews.kz.
Иманбек Зейкенов Saint JHN-ның Roses әніне жасаған ремиксі үшін "үздік электрон ән" номинациясында марапатқа ие болды.
"Billboard Awards марапатын алдым. Ол да Grammy сияқты, тағы бір сыйлық қанжығада", - деп жазды музыкант.
Жанкүйерлер әншіні құттықтап жатыр: "Бәрекелді!", " Аңыз адам! Осылай жалғастыра бер, бауырым!", "Керемет! Құттықтаймын!".
Billboard Music Award - музыкалық чарттардағы үздік жетістіктері үшін америкалық музыкалық баспа Billboard басылымы беретін музыкалық сыйлық.
Айта кетейік, осы композиция үшін Иманбек Зейкенов Grammy алған болатын.