Жаңадан жеткізілген вакциналар студенттер мен жабық әлеуметтік мекеме қызметкерлеріне арналған, деп хабарлайды Атырау облыстық денсаулық сақтау басқармасының баспасөз қызметі.
«Спутник V» вакцинасының 3600 дозасы Ақтөбе фармацевтикалық хабынан 2 сәуір күні таңертең жеткізілді. Оны Атырау облысындағы 22 егу пунктіне бөлу жоспарланып отыр.
«Вакциналардың жаңа партиясы студенттер мен жабық әлеуметтік мекеме қызметкерлеріне арналған. Сондай-ақ, ҚР Денсаулық сақтау министрлігі ұсынған азаматтардың басымдық берілген 8 санаты бойынша тұрғындарды да вакцинациялау жалғасады», - деп хабарлады денсаулық сақтау басқармасының баспасөз қызметі.
Айта кетейік, қазір "Спутник V" екпесінің бірінші компонентімен өңірдің 3600 тұрғыны, екінші компонентімен 1556 адам егілді.
Соңғы тәулікте коронавирусқа қарсы вакцинаның II-компонентін 311 адам алды. Оның ішінде 8 мемлекеттік қызметші, 60 медицина қызметкері және 243 педагог бар, - деп нақтылады Атырау облысы Денсаулық сақтау басқармасының баспасөз қызметінен.