Облыс әкімдігінде өткен жиында ауыл шаруашылығы басқармасының бастығы Амангелді САЛАМАТ көктемгі егіс науқанына дайындық туралы баяндады. Шетел азаматтарынсыз (Өзбекстан азаматы деп оқыңыз) бұл мәселені шешу оңай болмай тұр: Саламаттың айтуынша, бес жүздей шетелдік азаматқа маусымдық жұмыстарға байланысты шекарадан өтуге рұқсат берілген.
А.Саламат, сондай-ақ, ағымдағы жылы егістік жұмыстарымен 1 600 жуық адамы бар 390 ауыл шаруашылығы құрылымдары жұмыс жасайтынын хабарлады. Оған қоса көктемгі егіс жұмыстарын атқаруға 862 трактор мен ауыл шаруашылығы техникалары толық дайын. Биыл тамшылатып суару технологиясымен егілетін егістік көлемін 161 гектарға ұлғайтып, 3167 гектарға жеткізуге, жаңбырлатып суару технологиясын 80 гектарға ұлғайтып, 776 гектарға жеткізу жоспарлануда.
Ләззат ҚАРАЖАНОВА