Атырау облысының Төтенше жағдайлар департаменті жол талғамайтын-батпақта жүретін «Шерп» көлігін сатып алды. Көлік Атырауға жеткізілді.
- Көлік жергілікті бюджеттен 50 миллион теңгеге сатып алынды. Ол жетуі қиын жерлерде, батпақты жерлерде, қарлы алқапта, мұз қататын және сең жүретін кезде апаттан құтқару және іздеу жұмыстарына арналған. Тағы бір маңызды жайт: «Шерп» Каспий теңізінің жағалау белдеуіндегі қамыстың өртену ошақтарын сөндіру кезінде де қолданылады, - деп хабарлады ТЖД.
«Шерп» - қысымы аса төмен дөңгелекті амфибиялық жол тағамайтын көлік. Биіктігі 70 см-ге дейінгі кедергілерден өте алады, суда жүзеді және судан мұзға шығуға қабілетті. Дөңгелегінің диаметрі - 160 см, құрлықтағы ең жоғарғы жылдамдығы - 45 км/сағ, судағы - 6 км/сағ.
Тағы бір айта кететін жайт, «Шерп» Каспий жағалауының батпақтарымен жүре алады. Енді өрт сөндірушілер өртеніп жатқан қамысты сөндіре алады.
Фархат ӘБІЛОВ
Суретті түсірген автор