​Алматыдан келген профессордың жергілікті онкологтарға үйретері бар

- Атырауға Қазақ онкология және радиология ғылыми-зерттеу институтының бас дәрігері, медицина ғылымдарының докторы, профессор Нұрлан БАЛТАБЕКОВ келді, - деп хабарлайды Атырау облысы Денсаулық сақтау басқармасының баспасөз қызметі.

Осыдан бұрын біз Денсаулық сақтау министрлігімен келісім бойынша Атырауда еліміздің жетекші медициналық ғылыми-зерттеу орталықтарының өкілдері келіп, вахталық әдіспен жұмыс істейтін болады деп хабарлағанбыз.

Н.Балтабеков Атырау облысындағы қатерлі ісікке шалдығу жағдайымен, аурудың алдын алу жұмыстарының барысымен танысты, сондай-ақ қалалық емханаларды аралады. Апта бойы профессор Балтабеков онкологиялық ауруларды ерте диагностикалау бойынша семинар мен тренингтер өткізеді. Ол сондай-ақ аудандарда да оқыту семинарларын өткізуді жоспарлап отыр.

Дайындаған Зульфия ИСКАЛИЕВА

Суретті денсаулық сақтау басқармасының баспасөз қызметі ұсынды