«Атырау» футбол клубы Гаити құрамасының ойыншысы Алекс КРИСТИАН-ДЖУНИОРМЕН 2021 жылдың соңына дейін келісімшартқа отырды.
27 жастағы гаитилік 2 ақпанда ресми түрде "Атырау" ойыншысы атанды. Transfermarkt-ке сәйкес, трансфер сомасы - 200 мың еуро. Кристиан негізі сол жақтағы қорғаушы. Осы келісімшартқа дейін ол «Арарат-Армения» ФК құрамында екі рет Армения чемпионы болды.
Бұдан басқа, Қызылордадағы "Қайсарда" бір жыл жалданған мерзімі біткен соң Қуаныш ҚАЛМҰРАТОВ өз клубына оралды.
Қазір "Атырау" командасы Түркияның Анталия қаласында қысқы оқу-жаттығу жиынында, премьер-лигада ел чемпионатына дайындық жүргізіп жатыр. Премьер-лигаға бір жылдық үзілістен кейін оралған еді.
Нұргүл ХАЙРУЛЛИНА