Неліктен дерекқорда ЖСН көрінбейді

Жақында ұлыма төлем карточкасын шығартпақ болғанда,  оның ЖСН-і бар тұлға ретінде ҚР салық дерекқорына тіркелмегенін біліп, аң-таң болдым. Сөйтсем, тіркелмеген балалар да, ересектер де көп екен. Соның салдарынан Мемлекеттік кірістер комитетінің асығыс жаңартылған дерекқоры дұрыс болмай, адамдар кейбір қызмет түрлерін ала алмай жүр. Егер сіз де солардың бірі болсаңыз, оны қалай дұрыстауға болатыны соңында айтылады.

Ұлым көп уақыттан бері өзінің жеке сәйкестендіру нөмірімен (ЖСН), немесе, дәлірек айтсақ, туғаннан бастап құжаттар дайындайтын ақпараттық-өндірістік жүйеге тіркелген. 2009 жылы және одан кейінгі жылдары туған балаларға туу туралы куәлікті тіркегенде ЖСН беріліп, ол бүкіл азаматтық дерекқорға, соның ішінде салық дерекқорына енгізіледі. Бірақ жүйеде ақау болғаны белгілі болды, азаматтардың бір бөлігі оған жүйелі тіркелмейді немесе ондағы параметрлер ескірген. Мемлекеттік кірістер департаментінің мәліметі бойынша, 2020 жылы Атырау облысында 10 мың адам осындай жағдайға тап болған. Бұл жеке кәсіпкерді тіркеу кезінде белгілі болады. Мысалы: адамдар есеп айырысу шотын аша алмайды, өйткені олардың салық дерекқорындағы мәліметтері осы ЖСН-мен синхрондалмаған. Немесе біздің жағдайымыздағыдай - түсініксіз себептермен ол жерде балалардың мәліметі жоқ. Дәл осы сұраным бірнеше апта бойы Мемлекеттік кірістер департаментінің базасына жүктеме беріп тұр:

- Атырау қаласы бойынша Мемлекеттік кірістер басқармасынан ЕГОВ пен ИСАҚ (Интеграцияланған салықтық ақпарат жүйесі) бағдарламасы арасында тікелей тасымал торабы жоқ, ол синхрондалмайды. Әдетте, адамдар тіркеу деректерін өзгерткен кезде, мысалы, некеге тұрғанда немесе ажырасқанда, тегін (әкесінің атына) өзгерткенде және жаңа жеке куәлік алған кезде, осы дерекқорға түспейді. ЕГОВ-та оның жаңа деректері болса, салық базасында - жаңартылмаған.

- ИСАҚ дерек қорына жаңартылған мәліметтерді енгізу үшін туу туралы куәліктің көшірмесімен мемлекеттік кірістер (салық) департаменті ғимаратындағы 1-қабатта орналасқан кеңсеге келіп, мекенжайды көрсету керек. 5 жұмыс күні ішінде ЖСН біздің дерекқорға енгізіледі, - деді Атырау облыстық МКД бас маманы Әлия БАЙТЕМІРОВА. – Немесе сұранымды Атырау облысы бойынша МКД-нің t.me/dgd_atyrau телеграм-каналы арқылы енгізуге болады.

Зульфия БАЙНЕКЕЕВА