10 қараша мен 14 қараша аралығында атыраулық полиция қызметкерлері «Тоқта, трафик» жедел-алдын алу шарасын өткізді. Екі күн ішінде 18 «түнгі көбелек», оның ішінде екі трансвестит анықталды.
Алғашқы күні Атырауда қонақүйлердің бірінің жанында сексуалдық сипатта қызмет ұсынған үш қыз анықталды. Олардың екеуі - бірі Өзбекстаннан, екіншісі Қырғызстаннан келген шетелдік азаматша болып шықты; үшіншісі - 25 жастағы Шымкент тұрғыны. Сол күні криминалдық полиция қызметкерлері клиенттеріне жезөкшелерді шақырған саунаны жауып тастады.
11 қарашада полицейлер 25 -29 жастағы жеңіл жүрісті 13 азаматшаны - Қызылорда, Ақтау, Шымкент қалаларының тұрғындарын ұстады. Олар арнайы жезөкшелікпен айналысу үшін Махамбет көшесіндегі, Азаттық даңғылындағы, сондай-ақ Привокзальный мен Алмагүл ықшам ауданындарынан пәтерлер жалдаған.
Сол күні кеште қалада сексуалдық сипаттағы қызметпен айналысқан ақтөбелік екі жігіт-трансвестит ұсталды.
Полиция департаментінің баспасөз қызметі хабарлағандай, ұсталғандарға қатысты ҚР Әкімшілік құқық бұзушылық туралы кодексінің 449-бабы («Қоғамдық орындарда тиісу») бойынша әкімшілік хаттама толтырылып, ескертулер берілді. Жалдамалы пәтер иелеріне қатысты жинақталған құжаттар облыстық мемлекеттік крістер департаментіне жолданды.
Зульфия ИСКАЛИЕВА
ПД баспасөз қызметі ұсынған сурет