Атырауда ажырасу саны көбейіп келеді

Атырау облысында отбасының ажырасу саны артып келеді, деп хабарлады әйелдер істері және отбасылық-демографиялық саясат жөніндегі комиссия.

Биылғы 9 ай ішінде облыста 4638 неке және 1192 ажырасу тіркелді, бұл жалпы неке санының 25%-ы.

Егер 2017 жылы ажырасу саны 1012 болса, 2018 жылы - 1058, ал 2019 жылы 1500-ге жеткен. Көрсеткіштер өсіп жатқандықтан, билік атыраулықтардың неке бұзу себептерін анықтауды ұйғарды.

Қоғамдық пікір бойынша жасалған сауалнамаға сәйкес, жастардың бір-бірін жақсы білместен үйленуі, ерлі-зайыптылардың қызғанышы, отбасында ақшаның жетіспеуі, ортақ балаларының болмауы, жас жұбайлардың өміріне туыстарының араласуы отбасының ажырасуына негізгі себеп болады екен.

Фархат ӘБІЛОВ