Tengri Bank-тің бұрынғы менеджерлері ұсталды

Tengri Bank-тің бұрынғы қызметкерлері ұсталды, - деп хабарлайды Tengrinews.kz тілшісі.

Бұл мәліметті Қаржы министрлігінің баспасөз қызметі растады.

Қаржы министрлігінің мәліметінше, Tengri Bank басқарма төрағасының бұрынғы орынбасары Бақтияр Ілиясов пен Алматы филиалы директорының бұрынғы орынбасары Әсет Жадықов ұсталды.

Ведомство қосымша ақпарат кейінірек берілетінін айтты.

Еске салайық, биыл қыркүйекте Tengri Bank лицензиясынан айырылған болатын. Қаржы нарығын реттеу және дамыту агенттігі Tengri Bank-тің қаржы жағдайы нашарлағанын айтқан еді.