Жол жөндеуге қанша миллиардтар жұмсалады

Атырау облысында облыстық және аудандық маңызы бар автомобиль жолдарының «жақсы» және «қанағаттанарлық» жағдайын 57%-дан 61%-ға дейін арттыру жоспарлануда. Бұл туралы Жолаушылар көлігі және автомобиль жолдары басқармасының басшысы Әсет ОРАЗҒАЛИЕВ онлайн брифингте мәлімдеді.

Оның айтуынша, 27 шақырымдық Солтүстік айналма жолдың (шамамен 333 млн теңге) жобалық-сметалық құжаты әзірленуде, онда 4 көлік жол айрығы салынады.

Ал көптен күткен Астрахань бағытындағы жолды қайта жаңғырту жұмыстары 2022 жылы аяқталады деп жоспарланған.

Сұрақтарға жауап бере отырып, Оразғалиев биыл Атырау қаласының орталық көпіріне техникалық зерттеу жүргізілгенін, оның нәтижесі бойынша жобалау-сметалық құжат әзірленетінін және мемлекеттік сараптамадан өтіп, мақұлданғанған жағдайда күрделі жөндеу жұмысы басталатынын айтты.

Сонымен қатар, қала маңындағы Талғайран және Алмалы ауылдары арасындағы жаңа көпірдің ЖСҚ әзірленуде.

Атырау облысындағы автомобиль жолдарының жалпы ұзындығы - 3047 шақырым 
Республикалық маңызы бар автожолдардың ұзындығы – 1120 километр 
Облыстық және аудандық маңызы бар автожолдардың ұзындығы – 1927 километр

Оразғалиевтің баяндамасы бойынша біз қазір жүргізіліп жатқан жұмыстар (жөндеу және қайта жаңарту) мен олардың құны көрсетілген кесте жасадық * (Мемлекеттік сатып алу порталы бойынша).

Нұргүл ХАЙРУЛЛИНА