Бішкектегі митинг: Ақ үйдегі алапат өрт суретке түсірілді

Бішкектегі Ақ үйде шыққан өрт өрши түсті, - деп хабарлайды Sputnik Кыргызстан.

Дереккөз мәліметінше, өрттің күшейгені соншалық қара түтін шығып жатыр. Қазіргі уақытта ғимаратқа өрт сөндірушілер барған.

Еске салайық, Бішкектің орталығындағы Ала-Тоо алаңында парламенттік сайлау нәтижесіне қарсы болғандар митингіге шықты. 5 қазандағы жағдай бойынша, бірінші орында "Биримдик" партиясы тұр (дауыстар әлі де өңделіп жатыр).

Бүгінде Қырғыз елінде жаппай тәртіпсіздіктер болып жатыр. Митингіге шыққандар Ақ үйге басып кірді.