Бұл оқиға Қызылқоға ауданы Сағыз ауылында болған. Түнге қарай мас тонаушы кіре беріс есіктің ашық тұрғанын пайдаланып, бөтен үйге кірген. Үйде қарт әжеден басқа ешкім болмаған.
Қылмыскер айқайламас үшін қорғансыз әженің аузын жауып, құлағынан алтын сырғаларын жұлып алған. Үйге келген туыстары полиция шақыртады.
Жедел іздестіру шаралары барысында полицейлер екі күннің ішінде күдіктіні тапты. Оның іс-әрекеті ҚР ҚК 191-бабының 3-тармағының 3-тармақшасы («Үй-жайға заңсыз кіруімен жасалған тонау») бойынша бағаланып, сотқа дейінгі тергеу амалдары жүргізілуде.
Дайындаған Зульфия ИСКАЛИЕВА
Бейнежазбаны ПД баспасөз қызметі ұсынды