Атырау полицейлері бір күнде көп қонақ қатысқан 3 үйлену тойын анықтады. Коронавирусқа байланысты үлкен отбасылық мереке өткізуге әлі де рұқсат етілмегені белгілі.
28 тамызда сағат 13.00-де учаскелік инспекторлар СМП-163 ықшамауданындағы мейрамханада, сағат 16.30-да Рыбников ауылында және сағат 17.30-да Жаңаталап ауылында өтіп жатқан тойдың үстінен түскен.
- Үш шараның бәрі тоқтатылды. Материалдар әкімшілік шара алу үшін қалалық тауарлар мен көрсетілетін қызметтердің сапасы мен қауіпсіздігін бақылау басқармасына жіберілді, - деп хабарлады полиция департаментінің баспасөз қызметі.
5 шілдеден бастап Атырау облысында карантин режимі бұзылған 1713 жағдай анықталды, оның ішінде 50-ге жуығы - ірі отбасылық шаралар.
Фархат ӘБІЛОВ