Жағалауда өртенген қамыс бықсып жатыр

Кеше Атыраудан 20 шақырым жерде Каспий жағасында жанған қамыс қазір бықсып жатыр. Оның қашанға дейін жалғасатыны белгісіз.

Өрт аумағы шамамен 4 га болған.

- Бүгін қызметкерлеріміз сол жерге барып, дронның көмегімен барлау жұмыстарын жүргізді. Қамыс енді бықсып жатыр, алаулап жанған өрт жоқ, - деп хабарлады ТЖМ баспасөз қызметі.

Кеше де барлау жұмыстары жүргізіліп, өртті сөндіру үшін барудың мәні жоқ екені белгілі болды, ол жер батпақты, техника өтпейді.

ТЖД елді мекендерге өрттің таралу қаупі жоқ екенін атап өтті.

Айнұр САПАРОВА