Қызметкерлеріне қол көтерген полицей жұмыстан босатылды

Сарысу аудандық полиция бөлімінің басшысы Қуаныш Бекқожаев қол астындағыларға қол көергені үшін қызметінен босатылды, - деп хабарлайды Tengrinews.kz тілшісі.

Бұған дейін "Время" газетінің журналисі Михаил Козачковтың Telegram-каналында бірнеше видео пайда болған. Бірінші видеода полицей формасын киген адам басқа бір ер адамға күш қолданғаны көрсетілген. 

Посмотреть эту публикацию в Instagram

Публикация от «ҚАЗАҚПЫЗ ҒОЙ» (@qazaqpyz_goi) 28 Июл 2020 в 4:18 PDT

Тағы бір видеода ер адам тәртіп сақшыларын арқасынан итеріп жіберген.

"Әлеуметтік желілерге мониторинг жүргізу барысында полиция қызметкерлерінің өзара сөзге келіп қалғаны туралы видео анықталды. Оқиға 2020 жылдың 4 маусымында Жамбыл облысы Сарысу аудандық полиция бөлімінде болған.

Осы дерек бойынша өзіндік қауіпсіздік басқармасы қызметтік тергеу жүргізді. Қызметтік этиканы өрескел бұзғаны үшін Сарысу ПБ бастығы Қуаныш Бекқожаев қызметінен босатылды", - дейді Жамбыл облыстық полиция департаментінің өкілдері.