Вице-премьер келеді, Атырау тағы да жабылуы мүмкін

Бүгін, 10 шілдеде ҚР Премьер-Министрінің орынбасары Ералы ТОҒЖАНОВ Атырауға жұмыс сапарымен келеді. Ол өңірдегі эпидемиологиялық ахуал жөніндегі кеңеске қатысып, сондай-ақ жұқпалы аурулар стационарлары ретінде қайта жабдықталған облыстық кардиология орталығы мен Геологтағы емханаға баруды жоспарлап отыр.

Естеріңізге салсақ, 9 шілдеде Е.Тоғжанов төрағалық еткен  КВИ бойынша республикалық жедел штаб отырысында өңіріміздегі жағдайдың нашар екендігі ерекше атап өтілді. Атырау облысы КВИ жұқтыру бойынша республикада көш бастап тұр. 9 шілдеде бізде 658; бүгін, 10 маусымда 336 жаңа жағдай тіркелді.

Бүгінде Атырау облысында ауру жұқтырғандар саны 7150-ге жетті, 4693 адам жазылып шықты.Тоғжанов ахуалды жақсарту бойынша шаралар алуды, оның ішінде қосымша шектеу шараларын енгізуді тапсырды. Әзірге бейресми ақпарат бойынша, жақын арада Атырауға кіретін-шығатын жолдар жабылады.

Зульфия ИСКАЛИЕВА