Бүгінде Атырау облысында коронавирустан 16 адам көз жұмды

Бұл туралы облыстық денсаулық сақтау басқармасы басшысының орынбасары Гүлнафис ТАНБАЕВА хабарлады. Кеше тәулік ішінде COVID-19-дың айқын белгілері бар 65 пациент тіркелген, оның 49-ы - облыс орталығында.

Жалпы пандемия басталғалы бері бізде ауру белгілері байқалатын 1540 науқас тіркелген, олардың 1052-і – Теңіз кенішінде. 1 141 пациент жазылып шықты, олардың 968-і – Теңіз кенішіндегі науқастардың қатарынан. Жұқпалы аурулар ауруханасында 194 науқас емделуде, олардың көпшілігі - орташа ауырлықтағы және ауыр жағдайда жатыр. Екі науқастың жағдайы өте ауыр.

Зульфия ИСКАЛИЕВА