2 жасар бала 2-қабаттың терезесінен құлап кетті

18 маусымда Құрманғазы ауданы, Ақкөл ауылында  2 қабатты тұрғын үйдің екінші қабатынан 2 жасар қыз бала құлап кетті. Ол аудандық ауруханаға жабық бас-сүйек жарақаты диагнозымен жатқызылды. 

Бұл биылғы жыл басынан бері балалардың терезеден құлауы бойынша тіркеліп отырған төртінші жағдай. Атырау облысы ТЖД кішкентай балаларды жалғыз қалдырмауды ескертіп, терезе алдына  бала шыға алмайтындай барлық жиһаздарды алшақ қоюды ұсынады. Москиттік торларға сенім жоқ.

Ләззат ҚАРАЖАНОВА