Көлік қас қағымда өртенеді

Мамандардың айтуынша, жаз келсе, көлік өртенетін маусым басталады. Өткен жылы Атырау облысында 40 көлік өртенсе, жыл басынан бері 35 көлік өрт құшағында қалған.

- Көбінесе көліктердің тұтануына электр сымдарының қысқа тұйықталуы себеп болады, - деп жауап берді ТЖД «АЖ» тілшісінің сұрағына. – Бағына қарай, барлығында да зардап шеккендер мен құрбан болғандар жоқ.

Көліктің тұтанғаны байқалмайды. Өрттің тұтануына қарай, салон іші бірнеше секундтан 3 минутқа дейінгі уақыт арасында өртке оранады. 10 минут ішінде жеңіл көліктен түк қалмайды. Жүк көліктері де сіріңке секілді түгі қалмай жанып кетеді.

Фархат ӘБІЛОВ