Ол енді ешқашан полковник болмайды

№2 Атырау қалалық сотында подполковникке - Атырау облыстық полиция департаментінің қызметкеріне қатысты қылмыстық іс қаралды.

Сыбайлас жемқорлыққа қарсы күрес департаменті тергеушілерінің айтуынша, ол аңшылық қаруды сақтау және ұстап жүруге рұқсат қағазын тез арада ресімдеп беру үшін 30 мың теңге көлемінде пара алған.

Полиция офицерін сот кінәлі деп тауып, параның 20 еселенген мөлшерінде (600 мың теңге) айыппұл салып, подполковник шенінен және өмір бойы  мемлекеттік қызметте лауазымды қызмет атқару құқығынан айырды.

Ләззат ҚАРАЖАНОВА