COVID-19 жұқтырған 142 науқас - Теңіз кенішінің жұмысшылары

Теңіз кен орнында коронавирустық инфекцияның тағы 142 жағдайы тіркелді.

Барлық науқастар – ауысым алдында және кеніштен шығар кезде міндетті тексеруден өткен мердігер мекемелердің жұмысшылары. Барлығы жұқпалы аурулар стационарына жатқызылды және алгоритм бойынша ем алуда, деп хабарлады шұғыл штаб.

Осылайша, Теңіз кенішінде вирус жұқтырғандар саны 689 адамға жетті. Атырау облысында қауіпті инфекцияның 769 жағдайы тіркелді. 174 адам жазылып шықты.