Оралда ардагердің отбасынан әскери наградалар ұрланды

Орал қаласында ұрылар Ұлы Отан соғысы ардагерінің ордендерін қолды етті.

Күдіктілер 15 мамырда ардергердің қызының пәтеріне ұрлыққа түскен. Олар зейнеткердің жеке заттарымен қатар оның марқұм әкесінің әскери наградаларын ұрлап кеткен. Батыс Қазақстан облысы полиция департаменті бұл факті бойынша сотқа дейінгі тергеуді бастады.

60 жастағы зейнеткер ұрылар үйіне сыртта жүргенде ұрлыққа түскенін айтады. Шығынның мөлшері - 800 мың теңгеден астам. Бұл істі Орал қаласы полиция басқармасы Абай бөлімінің тәртіп сақшылары тергеп жатыр.

Дереккөз: Tengrinews.kz