Атыраулық жүргізуші Қостанай облысында жол апатынан қаза болды

4 мамырда Қостанай облысы аумағында «Хонда» көлігі КамАЗ-бен соқтығысты. Апат салдарынан «Хонда» көлігінің жүргізушісі мен жолаушысы қаза болып, үш адам жарақат алды. Қаза болған жүргізуші - 29 жастағы Атырау тұрғыны.

- Нұр Сұлтаннан Ақтөбеге бара жатқан «Хонда» жүргізушісі көлік рөліне ие бола алмай, жол жөндеп жатқан жүк көлігіне соққан, - деп хабарлайды Қостанай облысы ІІД баспасөз қызметі.

Минивэннің тағы бір жолаушысы мен екі жол қызметкері ауруханаға жеткізілді. Апатқа қатысты сотқа дейінгі тергеу амалдары басталды.

Фархат ӘБІЛОВ

Әлеуметтік желіден алынған суреттер