Мақтаарал ауданында Өргебас ауылын су басты, деп хабарлайды Tengrinews.kz өңірлік коммуникация қызметіне сілтеме жасап.
"3 мамыр таңғы сағат 05.00-те 250 үй суға батқан Фердоуси ауылынан Жаңажол ауылдық округінің Өргебас елді мекеніне қарай су келе бастады. Екі елді мекеннің ара қашықтығы - 3 шақырым. Таңғы 8.00-де Өргебас елді мекенінің 194 үйін басып қалды. Ауылдың 1451 тұрғыны қауіпсіз жерге көшірілді", - делінген хабарламада.
Эвакуация барысында қаза тапқандар мен зардап шеккендер жоқ.
Осыған дейін облыста тағы 3200 тұрғын қауіпсіз жерге көшірілгенін хабарлағанбыз.
Дереккөз: Tengrinews.kz
3 мамыр 2020, 10:09