Масамен күресуге екі есе аз ақша бөлінді

2020 жылы қала бюджетінен қала көшелерін, үйлердің жертөлесін, су тоғандарын масадан улауға 65 млн теңге бөлінді. Салыстырып көрсек, 2019 жылы бұл сома екі есе көп болған – 127,255 млн.

Өткен жылдан тағы бір айырмашылығы – ол тендерді (ақпанда жарияланып, ұсыныстар қарастырылуда) ұтып алған мердігер  30 маусымға дейін тапсырылған жұмыстарды аяқтауы қажет. 1 шілдеден бастап бұл жұмыстар мемлекеттік-жеке серіктестік арқылы іске асырылады, - деп хабарлады қала әкімдігінің баспасөз қызметі.

Мұрат СҰЛТАНҒАЛИЕВ