Полиция суға кеткендердің кім екенін анықтады

Атырау полициясы Жайықта табылған екі мәйіттің кім екенін анықтады. Еске салсақ, 4 ақпанда Баймұханов-Мечников көпірінің астында Атырау облысының төтенше жағдайлар департаментінің қызметкерлері өзеннен ер адам мен әйелдің денесін шығарған еді.

- 1990 жылы туған ер адам мен 1993 жылы туған әйел. Екеуі де Атырау тұрғындары. Мәйіттерді тексеру кезінде зорлықпен өлтіру іздері табылған жоқ. Сот-медициналық сараптама тағайындалды,- деді Полиция департаментінің өкілі Гүлназира МҰХТАРОВА.

- Бұған дейін өзен жағасында «ВАЗ-21115» көлігі, сондай-ақ бос сыра бөтелкелері табылды деп хабарланған еді?

- Менде басқа ақпарат жоқ.

 Фархат ӘБІЛОВ