Қырғызстан экс-вице-министрінің ұлы Өзбекстанға қашып кетті

Қырғызстан ішкі істер министрінің бұрынғы орынбасары Курсан Асановтың ұлы Өзбекстанға қашып кетті. Бұл жөнінде әскери прокурор Нуркамал Набиев мәлімдеді. 

Оның сөзінше, Мухаммед-Али Асанов "Достық" шекара бекетінен өткен. "Оған дейін ол күдікті ретінде саналмады. Оған қарсы дәлелдер болмады. Ол тергеуге шақырылмады. Бірақ ол қашып үлгерді", - дейді Набиев. 

1997 жылы туған Мухаммед-Али Асановты ұстау жөнінде шешім шыққан. Оған қазір іздеу жарияланды. Елдің бас прокуратурасы «Курсан Асановқа қарсы дәлел келтіретін заттарды ұлы арқылы Атамбаевтың жақтастарына берді» деп айып таққан. 

Дереккөз: Qazaqtimes.com