Вашингтонда атыс болып, бір адам қаза тапты

АҚШ астанасы Вашингтонда атыс болып, бір адам қаза тапты, - деп хабарлайды РИА Новости. 

Оқиға орнына жедел жәрдем қызметі мен полиция келген. Атыс салдарынан алты адам зардап шекті. Кейін олардың бірі қаза тапқан.  

NBC телеарнасының мәліметі бойынша, жарақат алғандардың бәрі ауруханаға жеткізілген, оның екеуі ауыр жағдайда жатыр. 

"Тергеу кезінде алты адамның оқтан жараланғаны анықталды. Кейін олардың бірі қаза тапты, қалған бесеуі түрлі ауырлықтағы жарақатпен жергілікті ауруханаға жеткізілді", - деді Вашингтон полициясының өкілі Стюарт Эмерман. 

Жарақат алғандардың төртеуі ер адам, біреуі әйел. 

Эмерманның айтуынша, полиция атыстың себебін анықтай алмай жатыр. 

Дереккөз: Tengrinews.kz