Камбоджада Пол Поттың серігі Нуон Чеа түрмеде қайтыс болды

1 942 просмотра

Нуон Чеа сот кезінде. Камбоджа, 16 қараша 2018 жыл

Камбоджада "қызыл кхмерлер" режимі билігіндегі екінші адам болған әскери қылмыскер Нуон Чеа қайтыс болды. Ол 94 жасында Баттамбанг провинцясындағы түрмеде дүниеден өткен. Бұл туралы Камбоджа сот органдары өкіліне сілтеме жасап AFP ақпарат агенттігі хабарлады.

Сот өкілінің айтуынша, Нуон Чеа 4 тамызда кхмер-совет достығы атындағы ауруханада жан тапсырған. Оның неден қайтыс болғаны туралы айтылмайды.

Камбоджада 1975-1979 жылдар аралығында Пол Пот басқарған "қызыл кхмерлер" режимі жүргізген мемлекеттік терроризм салдарынан екі миллионға жуық адам қаза болған. Кей дерек көздері құрбан болғандар саны үш миллион дейді.

2018 жылы "қызыл кхмерлер" режимін геонцидке айыпты деп алғаш рет ресми түрде таныған. Пол Поттың орынбасары қызметін атқарған Нуон Чеа, режимнің өзге де жоғары лауазымды өкілдері мен идеологтары тәрізді сот үкімімен өмір бойы бас бостандығынан айырылған болатын.

Дереккөз: Азаттық радиосы

5 тамыз 2019, 09:24

WhatsApp арқылы хабар жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.