Мереке қоныс тойға ұласты

Атырау облысы ішкі істер органдарының 30 қызметкеріне кәсіби мерекелеріне орай жаңа пәтер кілттері табыс етілді. Әкімдік алдындағы алаңда оларды облыс әкімі Нұрлан НОҒАЕВ құттықтады. Облыстық ІІД бастығы Аян ДҮЙСЕМБАЕВ бірінші кезекте баспананың көпбалалы отбасыларға, пәтер кезегінде тұрғандарға және жалғызбасты аналарға бөлінгенін атап өтті.

Полицейлер пәтер алған үй жаңа «Береке» ықшам ауданында орналасқан. Сол күні бірнеше қызметкер ІІМ медальдары мен марапаттарына ие болды, ал Ресей Федерациясымен шекаралас жатқан Құрманғазы ауданының Азғыр ауылдық округінде жаңа полиция бекеті ашылды. Қазіргі уақытта Сүйіндік, Балқұдық, Азғыр, Асан, Үштаған ауылдарына қызмет көрсететін штаттағы полиция қызметкерлерінің жалпы саны 17-ге жетті. Айтпақшы, жыл басынан бері Ресейден Қазақстанға автокөлік ағымы 40 мың бірліктен асты.

Фархат ӘБІЛОВ

(ІІД баспасөз хабарламасының негізінде)