Тендерді жеңуші ме әлде масаларды ма?

Қалалық қаржы бөлімі «2018 жылға Атырау қаласы бойынша масаларға қарсы дезинсекциялық жұмыстар жүргізу» мердігерін анықтау тендерін жариялады. Жұмыс құны 116 млн теңге. 3 млн шаршы метр пестицидпен өңделуі тиіс.

Әдетте мұндай тендерлер баға төмендетумен өтеді. 2016 жылы бюджет дезинсекцияға 117 млн теңге бөлген еді, ал конкурсты өз қызметін 70,9 млн теңгеге ұсынған мердігер ұтып алды. Өткен жылы әкімдік бұл жұмыстарға 130 млн теңге бөліп, «Биоген Инжиниринг Лимитед» фирмасы тендерді 52 млн теңгеге жеңіп алған болатын.

Мұрат СҰЛТАНҒАЛИЕВ