Атырау, 24 қыркүйек 13:46
Кешке ашық+17, түнде +14
ҚР Ұлттық банкінің валюта бағамы: $ 340.35  € 405.46  P 5.87

«Болгаркалы» қарақшылар сотталды

15 шілде 14:34

Атырау қалалық №2 соты Жилгородоктағы кәсіпкердің үйіне қарақшылықпен шабуыл жасалғаны туралы қылмыстық іс бойынша үкім шығарды.

Сотталушылар орындығында бес адам отыр. Төртеуі қылмыс жасалған бойда, ал оны ұйымдастырушы сәл кейінірек ұсталды.

Іс материалдарына сүйенсек, олардың бірі үйде ірі ақша сомасы бар екенін білген және бұл туралы өзінің төрт танысына әңгімелеген. Қаскөйлер бірнеше күн бойына қылмыс жоспарын жасап, үйге және үй иелеріне бақылау жасаған. 27 сәуірде таңертең қылмыскерлер жасайтын әрекеттерін өзара бөлісіп, үйге басып кіріп, тапаншамен қорқытып, үйдегі қызметші әйел мен бала күтушіні байлап,  кішкентай екі баланы ауладағы жылужайға қамап тастайды. Олар сейфті «болгаркамен» кесе бастаған кезде үйге дәріханаға дәрі-дәрмек алуға шығып кеткен қожайын келіп қалады. Шабуыл жасаушылар үй иесіне балаларды жазалаймыз деп қорқытып, сейфті ашуға мәжбүрлейді. Сейфте 7 мың доллар ақша болады...

Сотталушылар ҚР ҚК-нің 192-бабы 3-тармағының 2-тармақшасы («Ірi мөлшердегі мүлiктi жымқыру мақсатында жасалған қарақшылық») бойынша кінәлі деп танылды. Екеуіне 6 жылға, тағы екеуі 5 жылдан, алтыншысына 4,5 жылға жалпы режимдегі колонияда бас бостандығынан айыру түрінде жаза тағайындалды. Үкім әлі заңды күшіне енген жоқ.

Мұрат СҰЛТАНҒАЛИЕВ

Нашли ошибку? Выделите её мышью и нажмите Ctrl + Enter.

1303 рет қаралдыБасты бет

Тақырып бойынша жаңалықтар

​ 15 жылға сотталды  678 рет қаралды

Телефон соқ та, сыйақы ал  1214 рет қаралды

Ашкөздік прокурордың түбіне жетті  2495 рет қаралды

Әблязов ісіне қатысты алдын ала сот тыңдауы белгіленді  582 рет қаралды

Басты бет

1 2 3 4 5 6