Белоруссия мен Ресей жаңа әуе қорғаныс жүйесін құрмақ

"Фарс" агенттігінің хабарлауынша Ресейдің техникалық-әскери серіктестіктерінің федералды қызметінің директоры Дмитрий Шугаев Белоруссиямен зымырандық әуе қорғаныс жүйесін құру ісінің қарастырылып жатқанын, оның бюджетінің ортақ болатынын мәлімдеді. 

«Өткен жылы Белоруссияға зымыранға қарсы С-300 зениттік қорғаныс жүйесінің 4 топтамасы берілді. Биыл да он екі МИ-17 тікұшағы мен сегіз Як-130 ұшақтары Белоруссия армиясына табыс етілді» деді. Белоруссия – Еуропа Одағымен көршілестіктегі Ресейдің жалғыз стратегиялық серіктесі.

Дереккөз: qazaqtimes.com