Енді бәс тігілмейді

Жылыой аудандық соты ҚР ҚК-нің 307-бабы («Заңсыз ойын бизнесін ұйымдастыру») бойынша үкім шығарды.

Құлсары қаласының тұрғыны аудан орталығынан рұқсат құжаттарсыз букмекерлік кеңсе ашқан. Астыртын бизнес полиция анықтағанға дейін біраз уақыт қызмет еткен.

Сотта әйел өз кінәсін мойындап, прокурормен іс жүргізу келісімін жасайды. Аудандық соттың баспасөз қызметі хабарлағандай, оған 1 134 500 теңге мөлшерінде айыппұл жазасы берілген. Букмекерлік кеңсенің ішіндегінің бәрі мемлекет кірісіне алынды. 

Зульфия ИСКАЛИЕВА