Отты су ішіп, отандасын өлтірді

Атырау облысының қылмыстық істер жөніндегі мамандандырылған соты мас күйде төбелесіп, отандасын өлтіріп қойған Өзбекстан азаматына үкім шығарды.

Екеуі де Атыраудағы бір құрылыс алаңында жұмыс істеген. Өткен жылдың 12 қарашасында ішімдік ішу кезінде олар керісіп қалып, төбелес басталған. Сөйтіп біреуі екіншісіне құрылыс қайшысымен бірнеше рет жарақат салып, ол сол жерде көз жұмған.

Сотталушы ҚР ҚК-нің 99-бабының 1-тармағы («Адам өлтіру») бойынша кінәлі деп танылып,  қатаң режимдегі колонияда 8 жылға бас бостандығынан айыру жазасына кесілді.

Мұрат СҰЛТАНҒАЛИЕВ