Криминалды дуэт

Атырауда ІІД криминалдық полиция қызметкерлері пәтерге ұрлыққа түсуді кәсіп қылған жергілікті екі тұрғынды ұстады.

Қылмыскерлер өткен жылдың қарашасынан бастап ұсталғанға дейін ұрлық жасап келіпті. Олар даярлықсыз әрекет еткен: қожайындардың үйде жоқ болатын кезін аңдып, кілттерді іріктеп салып, үйлерге кірген. Зергерлік бұйымдарды, тұрмыстық және оргтехникаларды – ноутбуктен бастап тоңазытқышқа дейін қолды қылған (заттай айғақтар ұсталғаннан кейін тәркіленіп алынды).

Ұсталушылардың бірі уақытша ұстау абақтысына қамалды. Екіншісі басқа жаққа кетпеу туралы қолхатпен босатылды. ІІД баспасөз қызметінің жетекшісі Гүлнәзира МҰХТАРОВАНЫҢ айтуынша, оларға 8 ұрлық пен 2 алаяқтық әрекеттері бойынша айып тағылып отыр.

Марат ТАКУЛИН